Левата мозочна хемисфера се нарекува дигитален мозок. Таа ги контролира читањето, пишувањето, сметањето и логичкото размислување… Според тоа левата хемисфера е нашиот внатрешен математичар, кој смета, калкулира и анализира.
Десната мозочна хемисфера се нарекува аналоген мозок и ги контролира тродимензионалното чувство, креативноста и сетилата за уметност. Oваа хемисфера го претставува нашиот внатрешен уметник, кој е подготвен да си поигрува во прекрасната земја на фантазијата, исполнета со бои и слики, форми и сништа, имагинации и интуиции.
Eве еден пример кој сликовито прикажува како функционираат левата и десната хемисфера. Да замислиме човек кој ни дава упатства како да стигнеме до некоја локација. Доколку се работи за лице со развиена лева хемисфера, неговите инструкции би биле: „Од тука, одете три блока право и вклучете се северно на Винска улица, потоа одете по неа три или четири километри, а потоа свртете источно на Третиот Булевар.“ Лицето со доминантна десна хемисфера тоа ќе го каже приближно на овој начин: “Свртете десно (покажува со раката десно), одете до онаа црква (повторно покажува) и продолжете право, кога ќе го поминете McDonalds на следниот семафор свртете десно кон бензинската станица Lukoil.”
Десната хемисфера е невербална и интуитивна, таа попрво користи слики отколку зборови. Иако размислувањето со десната хемисфера се смета како „креативно”, не постои правилно или погрешно размислување, туку постојат само два различни начини на размислување. Едниот не е подобар од другиот, како што десноракиот не е „супериорен” над леворакиот. Двете мозочни хемисфери работат заедно, како би се овозможило нормално функционирање на организмот. Meѓутоа, истражувањата покажаа дека кај повеќето луѓе едната хемисфера е подоминантна. Најголемиот број од луѓето најчесто ја користат левата хемисфера, додека функциите на десната мозочна хемисфера честопати се недоволно развиени. Возрасниот човек не може на вистинскиот начин да го сфати детскиот свет, затоа што познато е дека десната хемисфера кај децата е многу поактивна. Затоа тој волшебен „ѕвезден свет на фантазијата“, често се чини туѓ и непристапен…